luns, 22 de novembro de 2010

Campo semántico de PARTIR

Aí van verbos que teñen en común parte do seu significado 'fragmentar'.
Unha boa idea é xuntalos por sinónimos, outra é empatalos cos materiais adecuados, outra é procurar substantivos relacionados que compartan o lexema.

PARTIR, ESCACHAR, ESNAQUIZAR, FRAGMENTAR, ESFARELAR, ESGAZAR, ESFIAÑAR, RACHAR, ROMPER, TALLAR, TORAR, ESMAGAR, ESCACHIZAR, CREBAR, LAÑAR, PULVERIZAR, CORTAR, FENDER, FRACTURAR, QUEBRAR, ABRIR, BRITAR, REBENTAR, ESCACHARRAR, ESTRAGAR, ESFOLAR, FANAR, FANICAR, REBANAR, RECORTAR, PELAR, TRADEAR, AGRETAR, ESFRANGULLAR, ESMIGALLAR, RELAR, MOER, DESINTEGRAR...buf!!!

venres, 12 de novembro de 2010

Os vellos non deben namorar

CUESTIONARIO

1. Onde se explica o título da obra?

2. Que función ten o epílogo?

3. Que é das mozas unha vez que morren os vellos?

4. Como se enteiran os vellos do ramate de cada historia?

5. O estatus social dos vellos está graduado, poderías ordenalo de maior a menor?

6. Como se reflicte a importancia social de cada vello no tratamento que se lles dá?

7. Responden as tres mozas igual ás peticións dos vellos?

8. Como reaccionan os mozos das rapazas cando se enteiran das pretensións dos vellos?

9. Como aparece representada a morte en cada lance?

10. Como morre cada vello?

11. Que tradicións populares aparecen representadas na obra?

12. Que outras artes concorren nesta obra a parte da literatura?

13. O estilo de Castelao está marcado polo uso sistemático de PARALELISMO, CONTRASTE E HUMOR, saberías explicar en que consisten?

14. O autor fala desta obra dicindo que é unha FARSA, sabes o que é?

15. VOCABULARIO:


 a mantenta
a moreas
abofé
aborrecer
abranguer
 abrollos
acougar
acugulado
adormentar
 aferrón
agoiro
aguilloar
alancar
albiscar
alentar
alporizar
andrómenas
 apreixar
 arrieiro
arrieiro
arró
asañado
asisado
asubiar
atallo
atordoar
azo
baldado
 baldreu
bambearse
 brincos
 cangar
carcamán
carozo
carraxe
carrizo
casulo
caveira
 celme
 celme
chambra
choqueiros
chuchar
chumbo
coutar
creto
 debruzar
derradeiro
doenza
embrullado
empurrar
engado
engaiola
 esfregar
espelido
 espellar
espiñar
estarricado
feitizo
folgos
gandulo
 leira
 lentura,
lenzo
 liño
lupanda
mágoa
 malandro
malpocado
mirrada
 nugallán
palique
panarra
panxoliñas
papaleisón
 parafuseira
parrumeira
pulo
 rañar
raposo
 raxeira
 raxeira
resolio
rexouba
rexoubar
rosmar
 rular
sandar
 sarao
sieiro
 solaina
solimán
tanxer ( os sinos)
valado
xarope
xergón

mércores, 13 de outubro de 2010

Benvido@s ao curso 2010-2011




SE EU FOSE DEUS

Onte, onte, creo que foi onte
onte
onte despois de noites e noites
onte despois de seis días
por fin descansei
e á fin onte
conseguín durmir
e ao durmir
tiven un soño
como ten que ser
terminou en pesadelo
e soñei e soñei
pensei
ben, soñei
deus non o queira, soñei que era deus
e se eu fose deus, sabes que faría?

se eu fose deus
as noites terían máis estrelas
andaría máis pola terra
para tentar ser home
aínda que a final morra
un atardecer calquera
o lugar
tanto ten onde

se eu fose deus
o diluvio aínda seguiría
bágoas que nunca terminan
canso xa desta ruína
que aburrido en sete días
fabriquei non hai tanto tempo
sen saber que facer nin o que facía

se eu fose deus
teríalle medo ao tempo
anos sen luces
silencio
estradas sen retorno dos días
descanso de almas sen vida
horas que liscan
horas que se suicidan

noite que te vas
dáme a túa man
noite que te vas
tómame da man

se eu fose deus
construtor de castelos no ar
que despois se enchen de homes
que aos ven os seus soños
perdérense nos desaugues
sumidoiros do céo
cloacas do inferno

se eu fose deus
voz que tremeu cando abalou
deixando a terra muda
como unha vella viúva
sen home, sen lembranzas, sen sepultura
vale, esquecíao
aínda me queda a lúa

se eu fose deus
noite soleada, as mañás agóchanse
escalando ao vento
un problema menos
cando morra

dorme o soño no tempo
e énchese de chuvia
oh, a chuvia
que dará a vida

noite que te vas
dáme a túa man
noite que te vas
tómame da man

ai, a miña vida
como mudou

se eu fose deus
pediríalle perdón ao demo
lucifer, que así foi chamado
que por negarse a ser un criado
non vos servirei, dixo
e por iso, para sempre
ao inferno foi desterrado

se eu fose deus
nunca podería ser deus
marcharía ao outro lado da noite
farto de deus
farto de facer sufrir
de vivir
e máis ca nada
de estar só

se eu fose deus
e ti me pedises a vida
queres saber que faría?
fíxate o que che digo
escoita, mira
que sen dubidalo nin un momento
xúroche por min
xúroche por deus
que cha daría

noite que te vas
dáme a túa man
noite que te vas
tómame da man

LOS SUAVES

http://widgets.grooveshark.com/finished?widgetid=22852795

venres, 18 de xuño de 2010

Paranoia dixital



Este vídeo xa o vimos en pantalla grande na Biblioteca. Todos-as fixestes un comentario en soporte papel que entreguei correxido. Podedes verquer eses comentarios aquí ou actualizalos. O vídeo serve de enlace con flocos.tv, onde poderedes atopar a mellor oferta de audiovisuais feitos en Galicia.

xoves, 17 de xuño de 2010

Un himno para Nunca Máis



Atopei este enlace nos comentarios de vídeos anteriores e creo que merece un sitio máis visible no blog. Nótase xa unha certa desenvoltura á hora de montar os traballos videográficos, iso ponme moi contenta. O tema do vídeo fala por si só. Nunca o esquecemos, a historia estase repetindo a cotío nalgún lugar do noso pequeno planeta e cómpre seguir berrando en todas as cores para que isto non se nos poña negro de todo. A música de Luar na Lubre e a voz profunda de Rosa Cedrón son impecables. E a letra, de quen é? Hai que investigar

mércores, 24 de febreiro de 2010

poema en imaxes 7 O Galo

video

Dádelle ao volume porque hai un arquivo de audio con voz recitando o poema.