FAUSTINO SANTALICES & coplas de cego

Coincidindo co certame de regueifas aí tendes un exemplo de cantares de cego, o Romance de don Gaiferos , interpretado maxistralmente por Faustino Santalices, acompañado da zanfona. A zanfona é unha orquestra completa. Xa investigaremos máis nela. Disfruádeo, destas cousas xa non quedan.

A desaparición do Reino de Galiza na historia española. Anselmo López C...

Unha viaxe á Illa dos Mortos

Por incrible que pareza, o mar e os temporais descobren periodicamente tesouros agochados dende tempo inmemorial. Neste vídeo podedes ver monumentos megalíticos nunha pequena illa da Ría de Arousa descubertos tras os últimos temporais. Fixádevos nas pequenas dimensións da illa, na acumulación de areas que quedaron fixadas pola vexetación e no que se agocha entre os penedos o medio sepultado pola area que vai e vén coas mareas. O vídeo foi atopado de maneira fortuita en Youtube cando estaba recén baixado e xa ten un lote de comentarios. Vexamos o que se vos ocorre a vós.

GALICIA - Costa De Galicia - Fotos Aéreas

Memoria histórica de Isaac Díaz Pardo

Esta é unha das pinturas favoritas do autor, titúlase A nave espacial, 1964. Realizouna pouco antes de abandonar a pintura convencional para adicarse a outras actividades, entre elas a recuperación da fábrica de cerámica de Sargadelos. Un repaso autobiográfico é o que podedes ver neste enlace , un documental de menos dunha hora en que o autor fala de si mesmo e dos acontecementos que lle tocou vivir.

Castelão, voz real, desde Uruguay (subtítulos en galego tirando a portugués)

Este pequeno discurso na voz de Castelao pronunciouse en Montevideo para presentar a obra Os vellos non deben de namorarse, cando se representou por primeira vez. A obriña fora concebida en Galiza nos anos da República e rematou de configurarse no exilio. Un pracer dar coa voz do autor.

O Uruguai e máis nós in Tirarrollas
Plantamos un ceibo  in Tirarrollas

máis plabras de substrato