ERAN UNHA VEZ ......... UN FELIZ MUNDO NOVO E UN PORCO A DÚAS PATAS

Entrevista a Aldous Huxley: A DICTADURA CIENTÍFICA







PARTE 1 da serie TV baseada na novela de Huxley Un feliz mundo novo (1931) Está dispoñible a serie completa en youtube.




DOCUMENTAL sobre Aldous Huxley

GRANDES ESCRITORES: Aldous Huxley


Deixamos todas estas ligazóns para quen queira ilustrarse sobre a novela que lemos en 4º neste 3º trimestre. Huxley foi quen de botar unha ollada profética sobre o futuro inmediato das sociedades humanas e amosarnos unha vista panorámica desoladora. Algo parecido fixo Vicente Risco con O porco de pé pero uns anos antes (1928) e coa óptica da sátira escarnecedora.

Xa me tardaba a min a hora de emparellar estas dúas noveliñas neste caderno!



        

Huecco y Hana- Remataron as bágoas

O vindeiro 25 de novembro, os de 3º da ESO imos participar nun evento na cidade de Vigo que pretende sementar conciencia sobre a violencia de xénero. Tentaremos con  alumnado dos institutos da cidade facer unha gran cadea humana que chame a atención da xente sobre as múltiples e sofisticadas formas que pode chegar a adquirir a violencia síquica e física sobre a muller na sociedade sexista que herdamos  do pasado.
Só hai que pensar nas letras dalgunhas cancións que escoitamos habitualmente nos medios de comunicación para darnos conta de como viaxan estas mensaxes encubertas de anulación da persoa a favor dunha idea bastante retorcida do amor. Estamos seguros de que nos debates previos ao evento sairán múltiples manifestacións da violencia por razón de sexo. En canto vaiamos xuntando conclusións irémolas verquendo como poidamos. Temos apenas dúas semanas, hai que aproveitalas!