O toureo, por que segue a ser algo tan cotián?

Paréceme rechamante que no século XXI aínda se sigan a matar touros dunha forma cruel e sen ter en conta o seu sufrimento. Son seres vivos e, coma tales, non se debería xogar coa súa vida dunha forma tan burlona e chocalleira á que algúns chaman a festa nacional. O máis tráxico é que se oe nos medios que só o 33% da poboación a nivel estatal está interesada nesa clase de eventos, que axudamos todos a manter cos nosos impostos. Nunha época de crises económicas e humanitarias como a que estamos a vivir, parece un pouco ridículo e mesmo insultante o feito de que o estado estea a empregar millóns de euros en fomentar tradicións que atentan contra os dereitos dos animais e que aínda por riba só lle interesa a unha minotía da poboación

malos costumes

ás veces, cando nos pomos a ver un partido de fúbol na tele, observamos que algúns xogadores tenden a cuspir no chan, pero seguro que iso non é só cuspe, iso debe ir con mocos e todo!, e xusto despois, se meten un gol, tamén teñen o costume de tirarse ao chan facendo un xesto de vitoria, ou sexa, que eles mesmos restregan os seus propios mocos polo corpo, iso é noxento!
Pero non é só nos partidos. Hai moita xente, sobre todo mozos e vellos, que van camiñando pola rúa e cando teñen ganas, cospen alí, diante de calquera, como se só estivesen eles no mundo! O que máis rabia dá é ese ruidiño característico preliminar: noxento! como se non puidesen sacar un pano dos mocos e cuspir aí.

O outro día

O outro día estaba a pasear o meu can cando, de repente, bato con oito ou dez cagadas de can. Deume moito noxo e marchamos pasear a outro sitio. A xente non debería contaminar tanto os campos e os paseos. Eu pola miña parte recollo cunha bolsa e penso que así deberían facelo todos e non seguir contaminando. A policía tamén o debería ter en conta e multar ou sancionar dalgunha maneira que axude a non contaminar máis. Por exemplo recoller toda a merda do parque.
Inconformista.